ع الكورنيش

ع الكورنيش

وف آخر مسار البحر

لما قعدنا ع الدكة

وقلتي نعيش

لما حايلت عيون النسمة

لأجل ما ترضي ما بترضيش

لما حاولت اقرب حبه

بعدتي كتيييير

وأقول لعيونك ها بتحبي؟

ماترديش

....

خجلانة عيونك من جواها

ومبتحكيش

لما تكون فرحانة

..مجروحة...

مبتبكيش

نفسي اطل على شباكك

لما تحني عليا بضحكة

وترمي شباكك

بس أنا حايش بيني وبينك

مليون شيش

.......

ع الكورنيش

لما الزرعه كانت

بتحركها الريح

وكل كلام الشعر

ما يحرك فيكي ضريح

لما بمل م خلق مشاعر

من جوايا

وأبقى جريح

واقرب اكتر

منك حبة

بتقولي

طيــش

.......