أول وتــاني

هي...كان حبهــا الأول

وهـو ...كان حبه التاني

هـي ..بتبني بداية شارع

مليان ورد وضحكة بريئة

وهو..كان ف نهاية الشارع

واقف كام يوم مستنيها

وصبح اللقا مابينهم صعب..

.............

هي لساها بتتعرف على أساليب الحب

بتتملى وتسمع كل حروف الكلمة

بتبني الذكرى علشان بكرة

وعطشانه للحب وليه...

..............

وهو كان شبعان م الفكرة...

ومستني ف نهاية الخط...

ولا بيأثر فيه..

نظرة عين...لمسة ايد..

ورد جميل ف بوكيه وانحط..

...........

وكان علشان الفكرة تقرب

لتقرب هي ف خطاويها

لهو يفضي كوباية قلبه

ويرجع ليها...

ويوم ما خدوا قرار القرب..

من لهفتها كانت هي..

ف نهاية الشارع..

وهو يدوب بيدق

ف اول نبضة

قلب....

...........