آخر دمعه لبهيّه

بتشهدلى آيات صورتك

غُنا صوتك

وريحة عطرك الفاقع

ولون فستانك الأحمر

ضفايرك

بلسمي خدودك

عيونك ضحكة المرمر

لآلئ سدرك الساطع

بُنى فارع

جريد النخل ع الضفه

على النهر اللي متواعد

حكاوي العشق والقصه

أنا ليكى

كفارس يحملك طيّه

م فوق الريح معديكى

بشوقُه النابت الوالع

ولد مصلوب على كتافُه

رحاية عمرك الطالع

شواهد عصرك المتخوم

غناويكى

و لا أديكى

غير إني ليكى بتواعد

مع النجمه المعديه

سفاين عاشقه ف الميّه

سفر إيزيس على ترابك

و إيه صابك

لقتل ياسين على أيديكى

و آخر دمعه لبهيه