أنا مش مؤمن!

أنا مش مؤمن ان الناس دي

يبقوا عيالك

معقول نفضل نحرق فيكِ

واحنا ولادك!

معقول إحنا اللي اتربنا

ف. أحضان خيرك

معقول بعد ما دقنا نعيمك

نهدم بيتك

معقول مصري يدمر أرضه

معقول عاقل يطعن عرضه

معقول اللي آذوكِِ

اقول دول مصريين!

مش معقول غير إني اقول

عنهم شياطين..

أنا مش مؤمن اللي يخرّب

يبقى دا مصري

ومهوش ممكن غير انه يكون

خاين.. فقري

اللي يخون إيد اتمدتله

نسميه إيه؟!

انت اللي بتقتل ف. جمالها

وتبكي عليه!!

المصري أصيل وما يطعنشي

المصري تاريخه يشرفني

المصري الجندي يطمني

والمصري يضحي ولا يخونشي

لو جيت قلتللي.. أنا لسانك

بتكلم لغتك مش هصدق

طول ما انت بتحرق أدامك

تبقى الخاين عهده وصدّق

عمر ما تبقى انت ف. يوم مصري

المصري رفع راية نصري

أنا مش هسكت ليك من تاني

أغرب عن بيتي وأوطاني

أنا مش هفضل اسيبك تقتل

لملم خبتك واسكت وارحل